Kwelvrae (FAQ's) 2016 Aanvullende Immunisasie-veldtog | Western Cape Government

22Covid-19 Alerts

COVID-19 Vaccine Information and Dashboard

View Vaccine information

Other COVID-19 Information and Dashboard

View COVID-19 information

TB Information and Dashboard

View TB information

News

Kwelvrae (FAQ's) 2016 Aanvullende Immunisasie-veldtog

21 October 2016

Kwelvrae (FAQs)

Die Wêreldgesondheidsorganisasie (WGO) beveel aan dat lande elke 3 tot 4 jaar aanvullende immunisasie-aktiwiteite (AIAe) uitvoer. Daarbenewens beveel die WGO aan dat sulke geleenthede gebruik word om bykomende oorlewingsintervensies vir kinders (bv. vitamien A) te verskaf.

Die doelwit van hierdie AIAe is om die bevolking se immuniteit te verhoog deur inentingsgeleenthede aan alle kinders in ’n spesifieke ouderdomsgroep te verskaf en sodoende die aantal vatbare kinders in die bevolking te verminder gebaseer op die land se behoeftes en prioriteite.

Suid-Afrika beplan om ’n geïntegreerde polioveldtog uit te voer waar minstens 90% mondelikse polio-inentings (MPI) in kinders tussen 0 – 59 maande oud bereik word. Ander geïntegreerde intervensies is geteiken vir 80% dekking, naamlik aanvulling van vitamien A aan kinders tussen 12 – 59 maande oud en verskaffing van Mebendazole aan kinders vanaf 24 – 59 maande oud.  Boonop gaan hierdie geïntegreerde veldtog ook geleenthede bied vir voedingsifting in kinders vanaf 6 – 59 maande oud deur ’n siftingstoets van die middel-boarm-omtrek (MBAO) in 15 uitgesoekte hoërisiko-distrikte uit te voer gebaseer op die Fasiliteit se gevallekoers vir ernstige akute wanvoeding. Die uitslae gaan gebruik word om toepaslike verwysings te doen. ’n Holistiese benadering tot kindergesondheid sal aangeneem word gedurende die geïntegreerde veldtog om te verseker dat kinders verwys word vir verdere behandeling van enige geïdentifiseerde kindersiektes.

Sleutelboodskappe vir die veldtog:

  • Neem jou kind na die naaste kliniek of immunisasiepunt gedurende die veldtog
  • Die veldtog-immunisasiedosis vervang nie die roetine-immunisasie nie
  • Slegs kinders binne die teiken-ouderdomsgroep sal in die veldtog ingeënt word, terselfdertyd:
  • MOET alle kinders vanaf 12 – 59 maande vitamien A-aanvulling  gedurende die veldtog ontvang.
  • MOET alle kinders vanaf 24 -59 maande die Mebendazole-ontwurming gedurende die veldtog ontvang.
  • SAL voeding assesserings in uitgesoekte distrikte uitgevoer word op kinders 6  tot 59 maande deur middel van  van die mid-boarm-omtrek (MBAO) en toepaslike verwysings waar aangedui.

 

 

 

Kwelvrae (FAQs):

  1. Waarom laat die Wes-Kaapse Regering Gesondheid en feitlik alle ander regerings individue inent?

Inentings word gegee om siekte naderhand te voorkom. As genoeg mense die entstof kry, en daar is vir ’n lang tyd geen voorval van siekte nie, word die siekte beskou as geëlimineer. Dit is die geval met pokkies.

 

  1. Wat is ’n AIA?

AIA is die akroniem vir Aanvullende Immunisasie-aktiwiteit. Wanneer bykomende dosisse entstof buite die normale roetine-immunisaise gegee word, word hierna verwys as Aanvullende Immunisasie-aktiwiteit (AIA). In Suid-Afrika verwys ons ook na AIAe as veldtogte. So vanjaar gaan Suid-Afrika ’n geïntegreerde AIA uitvoer: polio, ontwurming, vitamien A en voedingsifting, waarna ook as die Geïntegreerde Veldtog verwys kan word.

 

  1. Wat is die doel van hierdie veldtog?

Die Wêreldgesondheidsorganisasie (WGO) beveel aan dat lande aanvullende immunisasie-aktiwiteite (AIAe) elke 3 tot 4 jaar uitvoer. Daarbenewens beveel die WGO aan dat sulke geleenthede gebruik word om bykomende oorlewingsintervensies vir kinders (bv. vitamien A) te verskaf.

 

In Suid-Afrika is ons doelwit om die bevolking se immuniteit teen polio te verhoog terwyl ons ook kinders aanvul met vitamien A en hulle van ontwurmings medikasie voorsien. Hierdie veldtog sal ’n holistiese benadering tot kindergesondheid aanneem en daarom sal 15 nasionale hoërisiko-distrikte/subdistrikte ook voedingsifting gedurende hierdie veldtog uitvoer.

 

 

  1. Sal hierdie immunisasies die roetine-immunisasies vervang?

 

Nee, hierdie vul slegs die huidige inentings aan. Ouers moet steeds verseker dat hul kinders hul roetine-inentings kry.

 

  1. Wat moet ouers doen om te verseker hul kinders word geïmmuniseer gedurende hierdie veldtog?

Ouers kan hul kinders na die naaste kliniek neem as hulle in die spesifieke ouderdomsgroepe is. Gesondheidspanne gaan ook dagsorgsentrums besoek om kinders te immuniseer. Skriftelike toestemming word vereis vir al die geïntegreerde veldtogaktiwiteite by instellings soos crèches, kleuterskole, kinderhuise en dagsorgsentrums waar ouers of versorgers nie tydens die dienslewering teenwoordig is nie. By alle ander poste waarheen ouers en versorgers die kinders neem vir immunisasie, word skriftelike toestemming nie vereis nie. Toestemming word automaties geïmpliseer.

 

  1. Hoe word die entstof gegee of toegedien?
  • Die polio-entstof word toegedien deur twee druppels van die entstof in die kind se mond te drup
  • Die Mebendazole-ontwurming word as ’n koubare tablet gegee
  • Vitamien A word as druppels in die kind se mond toegedien

 

 

  1. Wat is in die entstof? Sal dit my kind siek maak?

Elke entstof bevat verskillende elemente, maar ouers moet kennis neem dat hierdie entstowwe veilig is en daar is bewys dat dit suksesvol is in die voorkoming van hierdie siektes. Immunisasies voorkom aansteeklike siektes soos polio en masels.

 

  1. Wat is die voordele van hierdie aanvullings en immunisasies?

Die doelwit van ontwurming is om wurmbesmetting te voorkom.

Vitamien A-aanvullings voorkom vitamien A-tekort. Vitamien A is belangrik vir die gesonde groei en ontwikkeling van kinders. Dit bevorder ook goeie sig en help kinders om hulself te beskerm teen diarree en masels.

 

Die voedingsifting sal ons help om kinders met wanvoeding en ondervoeding te identifiseer en hulle vir behandeling te verwys indien nodig.

 

Ouers moet kennis neem indien die getekende toestemmingsvorm nie na die dagsorg teruggestuur is nie, sal die kind nie ingeënt word nie.

 

 

  1. Gaan daar enige koste betrokke wees?

Nee, die inentings gedurende hierdie veldtog is gratis.

 

  1. Waarom is dit belangrik vir my kind om teen polio ingeënt te word?

Polio is ’n hoogs aansteeklike siekte wat deur drie nou verwante virusse – tipe 1, 2 en 3 – veroorsaak word. Tipe 2 is uitgewis. Poliovirus word uitgeskei in ontlasting en versprei vinnig van een persoon na ’n ander. Polio affekteer hoofsaaklik kinders onder driejarige ouderdom. Daar is geen kuur vir polio nie; die gevolge is onomkeerbaar. Polio kan in ’n kwessie van ure verlamming veroorsaak. Dit dring die brein en rugmurg binne en vernietig die selle wat veroorsaak dat spiere saamtrek.

 

Een in elke 200 kinders wat met die virus besmet is, word verlam; enige besmette kind kan ander kinders aansteek. Vyf tot tien persent van kinders met polio sterf; gewoonlik van verlamming van die spiere wat vir asemhaling gebruik word.

 

Mondelikse polio-inenting (MPI) word gebruik om polio te voorkom. Die teenligaampies in die bloed beskerm teen siektes terwyl die teenliggaampies in die derms die vermenigvuldiging van die poliovirus beperk, want dit verhoed dat die poliovirus in die stoelgang uitgeskei word. MPI beskerm die bevolking teen polio deur die verspreiding van poliovirusse te beperk.

  1. My dogter is MIV-positief. Kan sy steeds die inenting kry?

Ja. Sy gaan outomaties ingeënt word as deel van die veldtog.

 

  1. Vir wanneer word die veldtog beplan?

 

31 Oktober –18 November 2016

Media Enquiries: 

Natasha Peterson

Tel: 028 214 5800

Email: Natasha.Peterson@westerncape.gov.za