Wes-Kaap leerders wen beurse | Western Cape Government

Wes-Kaap leerders wen beurse

2015
(Western Cape Government)

Met ’n kern fokus op kwaliteit onderrig en vaardigheidsontwikkeling het die Wes-Kaapse Provinsiale Tesourie en die Departement van Onderwys kragte saamgesnoer met die provinsie se amptelike bankvennoot, Nedbank om beurse aan 15 studente te bied.

Die Beursopstel-kompetisie vir Graad 11 leerders is in 2008 begin en het sedertdien beurse ter waarde van R2.9 miljoen toegeken. Enige Wes-Kaapse Graad 11 leerder wat beplan om ’n loopbaan in wiskunde, ekonomie en rekeningkunde te volg, kan inskryf vir die kompetisie.

Die kompetisie is deel van die Graad 11 kurrikulum vir die 10 000 leerders wat ekonomie en rekeningkunde studeer. Van al hierdie opstelle word 76 gekies as finale inskrywings vir die kompetisie, waarvan 26 leerders gekortlys is. Van die leerders wat gekortlys is, wen 15 leerders ’n beurs om ’n drie-jaar graad/diploma in die veld van ekonomie, finansies, wiskunde, rekeningkunde en/of handel te studeer aan ’n Universiteit in die Wes-Kaap. Behalwe vir die beursprys, is daar ook kontantpryse met die eersteplek-wenner wat R10 000 ontvang, die tweedeplek- en derdeplek-wenner wat R8 000 en R6 500 onderskeidelik ontvang. Die res van die top 15-wenners ontvang elk R2 000.

Die eersteplek-wenner, Nerita Kluyts, is afkomstig van Bloemhof Meisies-hoërskool in Stellenbosch. Nerita wat vlot in Afrikaans, Engels en Xhosa is, was oorkom met emosie toe sy haar prys tydens ’n prystoekenningsgeleentheid op Saterdag, 14 Maart in Kaapstad ontvang het.

Shandre Jansen van Hoërskool George het tweedeplek verwerf terwyl Carla Hefer wat ook van Bloemhof Meisies-hoërskool is, as die derdeplek-wenner aangewys is.

Die Minister van Finansies, Dr Ivan Meyer was beindruk deur die hoë vlak van inskrywings wat die kaliber van die leerders in die Wes-Kaap uitwys. Hy het gesê dat die Wes-Kaap daartoe verbind is om hoë-gehalte onderrig vir sy leerders te bied en daarom spandeer die provinsie 34.1% van die begroting op onderwys.

Die 2015 beurswenners:

BEURSWENNERS

KONTANTPRYS

PLEK

SKOOL

Nerita Kluyts

R10 000

Wenner

Bloemhof Meisies-hoërskool

Shandre Jansen

R8 000

Tweede

Hoërskool George

Carla Hefer

R5 000

Derde

Bloemhof Meisies-hoërskool

Anelisa Nodunyelwa

R2 000

 

Hoërskool Concordia

Jenilee Maarman

R2 000

 

Bridgton Sekondêre Skool

Jurie Zietsman

R2 000

 

Hoërskool Punt

Leah Harris

R2 000

 

Hoërskool Brackenfell

Luzaan Lesch

R2 000

 

Hoërskool Tygerberg

Marina Smuts

R2 000

 

Bloemhof Meisies-hoërskool

Naushaad Maharaj

R2 000

 

Rondebosch Seuns-hoërskool

Prudence Joka

R2 000

 

Masibambane Sekondêre Skool

Ronell Robertson

R2 000

 

Hoërskool Outeniqua

Schalk Marais

R2 000

 

Paul Roos Gymnasium

Sherwin Joseph

R2 000

 

Esselenpark Sekondêre Skool

Sonia Speelman

R2 000

 

Hoërskool Thembalethu

 

Media-navrae:

Nicolaas van Aarde
Tel: 021 483 3040
E-pos: nicolaas.vanaarde@westerncape.gov.za

The content on this page was last updated on 23 March 2015