Diarreale Siekte: Ken Basiese Feite

'n Kind sterf van diarreale siekte en verwante siektes elke veertien sekondes. Dit beteken dat vier kinders  elke minuut sterf, 6 000 kinders  elke dag sterf en 42 000 kinders gemiddeld elke week sterf. 80% van al die kinders wat sterf aan diaree en verwante siektes sterf in die eerste twee jaar van hul lewe. Die hartseer feit is dat die meeste van hierdie sterftes voorkom kan word.

Wat is diarreale siekte?

Diarreale siekte word gedefinieer as los of waterige stoelgange ten minste drie keer per dag, of meer dikwels as normaal. Hoewel die meeste episodes van kinderjare diarree lig is, kan akute gevalle tot 'n aansienlike verlies van vloeistof en dehidrasie lei. Dit kan lei tot sterfte of ander ernstige gevolge, as die liggaam se vloeistowwe nie vervang word nie. Diarreale siekte is 'n algemene oorsaak van sterftes in ontwikkelende lande en die tweede mees algemene oorsaak van sterftes wêreldwyd.

Die volgende tipes diarreale siekte, word onder andere gevind:

Akute diarree is wanneer diarree vir minder as 14 dae duur. Dit veroorsaak dehidrasie en dra by tot wanvoeding.

Aanhoudende diarree is wanneer diarree vir meer as 14 dae duur. Dit veroorsaak dikwels voedings probleme en verhoog die risiko van wanvoeding en ernstige nie-intestinale infeksies, wat lei tot dehidrasie.

Disenterie is wanneer diarree bloed in die stoelgang bevat, met of sonder slym. Disenterie is baie gevaarlik, want dit kan lei tot anoreksie, vinnige gewigsverlies en skade aan die intestinale mukosa.

Inflammatoriese diarree kom voor wanneer daar skade aan die mukosale voering of borsel grens van die spysverteringskanaal is. Dit lei tot die passiewe verlies van proteïen ryk vloeistof en 'n verminderde vermoë om hierdie verlore vloeistowwe te absorbeer. Kenmerke van al drie tipes van diarree wat hierbo genoem word kan gevind word in hierdie tipe van diarree.

Wat veroorsaak diarree?

Diarree kan veroorsaak word deur bakteriese, virale of parasitiese infeksies. Dit kan ook  plaasvind as gevolg van outo-immuun probleme soos inflammatoriese dermsiekte. Dit kan ook veroorsaak word deur tuberkulose, kolonkanker en enteritis. Voedselallergie of voedsel onverdraagsaamheid, soos gluten-intoleransie of fruktose wan-absorpsie, kan diarree veroorsaak. Pernisieuse anemie, of allergie verswakte derm funksie as gevolg van die onvermoë om vitamien B12 te absorbeer, kan ook  diarree veroorsaak.

Hoe kan diarree voorkom word?

Diarree kan voorkom word deur:

• die verbetering van toegang tot skoon water en veilige sanitasie

• die bevordering van onderig oor higiëne

• die verbetering van speen praktyke

• immunisering van alle kinders, veral teen masels

• om kos en water skoon te hou

• hande met seep te was (die baba se hande ook) voor aanraking van voedsel

• die korrekte toepassing van die higieniese verwydering van stoelgange.

As diarree onmiddellik behandel word en  jy ontvang behoorlike sorg, kan jy in die meeste gevalle binne ‘n paar dae herstel. Wanneer diarree voortduur vir meer as 24 uur, is dit altyd raadsaam om jou naaste kliniek te besoek of om met 'n gesondheidsorgverskaffer in verbinding te tree.