Minister Meyer wens FW de Klerk geluk | Western Cape Government

Minister Meyer wens FW de Klerk geluk

2015
(Western Cape Government)

Minister van Finansies, Ivan Meyer het die Wes-Kaapse Regering verteenwoordig en die oudpresident gelukgewens tydens die hernoeming van Tafelbaai-boulevard na FW de Klerk-boulevard.

Oudpresident FW de Klerk het op 5 Februarie die hernoeming van die Kaapstadse pad in sy eer, opgedra as ’n huldeblyk  aan almal wat gehelp het om Suid-Afrika se demokratiese grondwet te vorm. “Ek wil graag julle almal bedank vir die groot eer wat julle my toeken deur deur te besluit om Tafelbaai-boulevard te hernoem in my eer” het hy gesê in ’n toespraak wat voorberei is tydens die hernoeming-seremonie.

Die proses om die straat te hernoem was gesteun deur prominente Kapenaars, insluitende die Wes-Kaapse Premier Helen Zille en Anglikaanse aartsbiskop Desmond Tutu.

Minister Meyer het kommentaar gelewer op die hernoeming en gesê dat dit ’n gepaste gebaar was om oudpresident de Klerk op hierdie wyse te vereer.

“Oudpresident de Klerk het ’n pad gekies wat Suid-Afrika in ’n nuwe koers gestuur het en sy volhoue bydrae tot die bou van ’n  inklusiewe Suid-Afrika moet erken en waardeer word” het die Minister gesê.

De Klerk, 79, was die president vanaf September 1989 tot Mei 1994. Hy was die laaste staatshoof van Suid-Afrika onder die apartheids-era. In 1993 het hy saam met strydvegter-ikoon Nelson Mandela die Nobel Vredesprys ontvang vir hul rol in die beeindiging van apartheid.

Media-navrae:

Daniel Johnson

Mediaskakelbeampte / Woordvoerder vir Dr Ivan Meyer Minister van Finansies
Media Liaison Officer / Spokesperson to Dr Ivan Meyer Minister of Finance
Selfoon: 079 990 4231
E-pos: daniel.johnson@westerncape.gov.za

The content on this page was last updated on 11 February 2015