| English | | | Afrikaans | | | Malunga | | | Qhagamshelana | | | Uncedo | | | Funa nzulu | |
I-Abalone - Esi sisidalwa saselwandle esityiwayo nesinoqweqwe olwenziwe lwafana nendlebe egqunywe yincindi eyikhuselayo. I-Abalone le sisidalwa esinqabileyo nesikumngcipheko wokuphela nya ehlabathini.
I-Catchment - Esi sisitya sokuhluza okanye indawo ehlala amanzi, imvula ibumbana apha kule ngingqi ze ihambe ngomsinga ukuya emlanjeni.
I-Circular - Esi sisaziso okanye umkhomba-ndlela onikwa abantu abaninzi.Umzekelo, icircular yesebe lezemfundo inganikwa wonke umntu osebenzela iSebe lezeMfundo.
I-Close Corporation (CC) - Olu luhlobo lweshishini olulungele ishishini elincinci. Imimiselo neenkqubo zalo zolawulo zilula futhi kulula ukuzitshintsha.
I-Constituency - Le yingingqi ilungu lombutho wezopolitiko elonyulelwe ukuba lijongane nayo ze linikezele neengxelo zomsebenzi walo kuyo. Umzekelo, ooceba beengingqi ezithile kwinqanaba likamaspala banoxanduva lokujongana nabantu baloo ngingqi futhi kufuneka bamele iimfuno nezidingo zabo kwiBhunga.
I-Crime Stop - Eli liphulo elazisa futhi likhuthaze uluntu nabantu ngabantu ukuba bathabathe inxaxheba ekuncitshisweni kolwaphulo-mthetho eMzantsi Afrika. Libandakanya inombolo yokwabelana ngomnxeba apho unokudlulisa ingxelo ngolwaphulo-mthetho ungakhange uzazise.
I-Cryptography - Ukhuseleko lwe-internet olubandakanya ukufakwa kwekhowudi kulwazi ukuze loo khowudi ibe nokususwa ngabantu abathile kuphela.
i-Cultural 2005 - Esi sisicwangciso semfundo kwizikolo ekufuneka sibe kanti sisebenza ngokugqibeleleyo ngo-2005. Le ndlela yezifundo ijoliswe kubafundi yaye ijonge ikakhulu ekuphuculeni iziphumo. Imele ukuphuhlisa indlela yokucinga eyiyo nesebenzisa amaqhinga.
I-Culverts - Lo ngumbhobho wococeko okanye idrain ehamba ngaphantsi kwendlela okanye kwelitye eligcina amanzi
I-Interpellation - Olu ludliwano-ndlebe ngombuzo obhekiswe kumphathiswa wekhabhinethi lelinye lamalungu epalamente, oluthabatha imizuzu elishumi elinesihlanu.
I-Obstetrics - Eli lelinye isebe lezempilo ejongene nonophelo lwaphambi kokuzalwa komntwana, ukuzalwa kwabantwana kwanononophelo lwasemva kokuzalwa komntwana.
I-Oenology - Ezi zizifundo ngewayini nangokwenziwa kwewayini.
I-Ordinance - Lo ngumthetho owiswe ngurhulumente wephondo.
I-Orthotics - Ke yinzululwazi yezempilo ejongene nezixhobo zeengcali ukuxhasa okanye ukunceda imidabaniso okanye amalungu omzimba asele ephelelwe ngamandla okanye akhubazekileyo.
I-PERSAL - Esi sisikhundla seSebe leeNkonzo Zoluntu Nendlela Yolawulo Lwabasebenzi Nezisekelo.
I-Schedule - Esi sisihlomelo kwisuntswana lomthetho esiquka ulwazi oluneenkcukacha ezininzi ezingafakwanga kuloo mthetho.
I-Serology - Ezi zizifundo zezempilo ngeenkovu; ingakumbi iinkovu zencindi yegazi.
I-South African National Literacy Initiative (iSANLI ngamafutshane) - Eli linyathelo eliqalwe liSebe lezeMfundo lokwandisa ukukwazi ukufunda nokubala eMzantsi Afrika.
I-Spatial Development Initiatives - Le yintshukumo ehlanganyelweyo yokuphuhlisa ukutyeba kwengingqi ethile. Iquka amasebe ahlukeneyo futhi ingaquka amasebe karhulumente wesizwe, wephondo nowedolophu.
I-StatsSA - Eli liqumrhu iStatistics South Africa.
I-Statutes - Le yimithetho ewiswe yipalamente.
I-Subpoena - Lo ngumyalelo okuchazela ukuba uyafuneka enkundleni ngeenjongo zokuya kunikezela ubungqina njengengqina.
I-Third Party Insurance - Le yi-inshorensi ehlawulwa umntu wesithathu (oko ke kukuthi umntu umntu ongachaphazeleki ngqo) owenzakele kwingozi.
I-United Kingdom - I-UK ngamafutshane kwisiNgesi, eli libinzana elinye elihlanganisa iNgilani, iScotland, iWales, uMntla Ireland, i-The Isle of Man kunye neZiqithi zeChannel.
IBafana Bafana - Eli ligama iqela lesizwe lomdlalo webhola ekhatywayo loMzantsi Afrika elibizwa ngalo, gama elo lithetha amadodana.
Ibanjwa Elisalinde Ukuxoxwa Kwetyala Lalo - Lo ngumntu ogcinwe eluvalelweni ngelixa esalinde ukuxoxwa kwetyala lakhe
IBhanki Yehlabathi - Eli ligama elinikwa amaziko amane anikezela ngeemali-mboleko nolunye uncedo lwezimali kumazwe. Amaziko eBhanki Yehlabathi aphantsi kolawulo lwamazwe afaka igalelo kwiNgxowa-mali Yezimali Yamazwe Ngamazwe.
IBhodi Ejongene Neelwimi zaseMzantsi Afrika - Eli liqumrhu likarhulumente elinoxanduva lokukhusela, ukuphakamisa kwanokuphuhlisa iilwimi ezilishumi elinanye ezithethwa ngokusesikweni eMzantsi Afrika.
IBhodi Yeenkonzo Zezimali - Eli liziko elizimeleyo elingunobangela womthetho elijongana noShishino lweeNkonzo Zezimali Ezingenanto yakwenza naziBhanki eMzantsi Afrika ngokweemfuno zoluntu. Ukuze ufumane iinkcukacha ezithe vetshe, tyelela iwebsite yeFSB.
IBhunga Eliphanda Ngezolimo - Eli liqumrhu likarhulumente elifunda imibuzo enento yokwenza nolimo ze ivelisele icandelo lezolimo iimveliso neenkonzo ezintsha.Ukuze ufumane iinkcukacha ezithe vetshe, ndwendwela iwebsite ye-ARC.
IBhunga Elisezantsi Kwelikhulu - Eli bhunga yingxenye yebhunga likamaspala. Limele intlaninge yooceba abahlanganisiweyo futhi lingenza iziphakamiso kweli Bhunga ngemiba echaphazela loo ngingqi. Eli bhunga lisenokunikwa namagunya okwenza imisebenzi enento yokwenza naloo ngingqi.
IBhunga Elishukuxa Imiba Yempangelo - Eli bhunga liqumrhu lomzi-mveliso apho abasebenzi nabaqashi badibana khona ukushukuxa nokufikelela kwizivumelwano ngemiba yemivuzo neemeko ekusetyenzwa phantsi kwazo.
IBhunga leGITO (iBhunga Lamagosa Obugcisa Bonxibelelwano kuRhulumente) - La ngamagosa ongamele izihlalo eziphezulu kurhulumente namele amasebe esizwe noorhulumente bamaphondo abanoxanduva oluhlangeneyo lokunikezela umkhomba-ndlela kwizicwangciso-maqhinga.
IBusiness Referral and Information Network (iBRAIN) - Olu luthungelwano loshishino olubonelela ngolwazi neenkonzo zenkxaso kumashishini. Ukuze ufumane iinkcukacha ezithe vetshe ngalo, ndwendwela iwebsite yeBRAIN.
ICandelo - Le yimbumba yeenkampani okanye amashishini asebenza kwicandeloelinye. Umzekelo, Ezolimo licandelo, nqwa neZotyelelo.
ICandelo leeNkonzo Zoluntu - Likwabizwa njengesebe leenkonzo zaseburhulumenteni, eli lisebe likarhulumente elibonelela ngeenkonzo kuluntu, umzekelo ukuqinisekisa ukufikeleleka kwamanzi nezixhobo zococeko.
ICandelo Lolawulo Loluntu - La ngamacandelo karhulumente aqinisekisa ukuphunyezwa kweenjongo zemithetho, abonelela ngeenkonzo kuluntu nanoxanduva lokuqhuba imicimba yamihla le kweli lizwe.
ICandelo Loqoqosho Lwaseburhulumenteni - Eli licandelo loqoqosho eliphantsi kolawulo lukarhulumente okanye eliphantsi kolawulo loluntu jikelele, kuquka kwanabasemagunyeni kurhulumente wesizwe owephondo nowedolophu kwanamqumrhu karhulumente.
Ichiza Lokudoma - Esi sisiyobisi esikwenza ulahlekelwe ziingqondo ze ungaziva neentlungu.
IChiza Lokudoma - Eli lichiza lokubulala amalungu athile omzimba wakho ukuze ungeva zintlungu.
IDemocracy - Olu lulawulo ngentando yesininzi. Abantu bayavota kulonyulo ze umbutho wezopolitiko okanye abagqatswa abafumene ezona voti zininzi balawule ilizwe.
IDiphtheria Tetanus Pertussis (DTP) - Olu ke lunyango olubulala izifo ezintathu nolugonyela futhi lunyange izifo iDiphtheria, iTetanus nePertussis
IDyunivesithi yaseNtshona Koloni - I-UWC ngamafutshane kwisiNgesi, eli liziko lemfundo ephakamileyo eliseKapa.
IFauna - Zizilwanyana.
IFluoride - Le yenye yezinto ezisoloko zifakwa kwizibonelelo zamanzi neemveliso zonyango lwamazinyo (ezifana nentlama yamazinyo) ukunceda ukuqinisekisa amazinyo awomeleleyo, nasempilweni.
IFoetal Alcohol Syndrome - Oku kukukhubazeka komzimba nengqondo yosana olungekazalwa, nto leyo engunobangela wokudibana kolo sana lungekazalwa notywala ngenxa yokuba unina wabusela ngexa esakhulelwe.
IFynbos - Esi sisityalo semvelo saseNtshona Koloni. Ezi zityalo azikhuli naphi na kwezinye iindawo ehlabathini. IFynbos inika umdla omkhulu kubathandi bezityalo ngenxa yeentlobo zayo ezininzi.
IGeriatric - Lo ngumntu omdala kakhulu.
IGini index okanye iGini coefficient - Esi siskali sokufumanisa ukungalingani kwemivuzo, ngamanye amazwi, ukungalingani phakathi kwemivuzo yabantu abahluphekileyo neyabo bazizityebi. Ukuba wonke umntu ufumana umvuzo olinganayo, iGini Index ngu-0. Ukuba kukho umsantsa omkhulu phakathi kwemivuzo yabantu abahluphekileyo nemivuzo yabantu abazizityebi, iGini Index isondele ku-1. IGini Index eMzantsi Afrika ngonyaka ka-1998 yayingu-0.69.
IGlobalisation - Apha kuxa umba othile ungekho kwilizwe elinye kuphela kodwa uchaphazela amazwe amaninzi ehlabathini. Lo mba unokuba ubhekisa kwinkcubeko, ushishino okanye uqoqosho.
Igosa Laseburhulumenteni - Lo ngumntu osebenzela urhulumente. Igosa okanye umlawuli kwinkqubo yolawulo karhulumente.
IGosa Lengqawule - Amagosa engqawule ngoonontlalo-ntle abenza umsebenzi kumacandelo okunqandwa kolwaphulo-mthetho, ukunyangwa kwabenzi bobubi, ukunonotshelwa nokunyangwa kwamaxhoba olwaphulo-mthetho kwanokusebenza neentsapho kwanoluntu ekuhlaleni.
IGqwetha Lempahla - Eli ligqwetha eliyingcali ekudluliselweni kwempahla kubanye abanini.
IGreen Paper - Eli liphepha lokugaya izimvo,ekuyilweni komgaqo-nkqubo kumba othile elenziwa futhi likhutshwe liSebe elithile likaRhulumente.
Igunya Elikhusela Into Eqanjiweyo - Ukuvunywa ngumthetho kobunini bento eqanjiweyo. Ukuba ulibhalisile igunya lakho kwinto yakho oyiqambileyo akukho namnye umntu onokuphinda ayivelise loo nto de kube lixesha elithile ebomini.
IHabitat - Le yindawo nengingqi apho isityalo okanye isilwanyana siqhele ukuhlala khona.
IHansard - Le yimizuzu yeengxoxo neendibano zepalamente.
IHistopathology - Ezi zizifundo zeenguqu ezincinci kangangokuba zingabonwa kuphela ngoomatshini boomabona-kude ezenzeka kwizihlunu zomzimba.
IHorticulture - Le yinzululwazi yokutyala iziqhamo, imifuno iintyatyambo okanye ezinye izityalo.
IHypertension - Esi sisifo soxinzelelo lwegazi.
IiGabion - Ezi zizitya ezinkulu nezivulekileyo zesinyithi ezisetyenziselwa ukwenza amadama nezisekelo zezakhiwo.
IiKholeji Zemfundo Noqeqesho Olugqithayo - Ezi zazisakubizwa njengeekholeji zobuxhaka-xhaka bobugcisa, futhi la maziko emfundo anikezela ngemfundo yamanqanaba 2-4 eNQF kwaneziqinisekiso zesizwe zobu buxhaka-xhaka bobugcisa zamanqanaba 1-3.
Iikopi Eziqinisekisiweyo - Ezi ziimpepha ezisesikweni ze zafotwa ukwenza ezinye iikopi, kopi ezo ke ziqinisekiswe nguMkomishinala Wezifungo ukuba zikotshwe kwezo zokwenyani.
Iindawo Ezinobutyebi Behlabathi - Ezi ziindawo zemvelo nezenkcubeko ezibaluleke kakhulu ngokugcina imbali. Kukho uluhlu lwamazwe ngamazwe olunezi ndawo noluphantsi kolawulo lweKomiti Yoorhulumente Bamazwe Ngamazwe Ejongene Nobutyebi Behlabathi. Umzekelo, isiqithi iRobben Island yenye yeendawo ezinobutyebi behlabathi.
Iindawo Zokuhlala Ezingakhiwanga Ngemvume kaRhulumente - Ezi zizindlu namatyotyombe akhiwe kumhlaba ongalungiselelwanga lwakhiwo lwazindlu. Apha akukho zinkonzo zifana mhlawumbi nombane, amanzi, kwanezixhobo zococeko.
Iindlela Zokusebenza Ezingekho Mgangathweni - Ezi ziimeko zokusebenza okanye iintshukumo nezigqibo ezinento yokwenza nengqesho futhi ezingasebenzisani nemigaqo yemithetho yengqesho.
Iindlela Zokuzikhusela Zomntu Wonke - La ngamacebo okuzikhusela ekufuneka esetyenziswe nguye wonke ubani ukuqinisekisa ukuba intsholongwane kaGawulayo noGawulayo azisasazeki.
Iindlela Zokuziphatha Kumashishini - Le yimigangatho yokuziphatha esetyenziswa kubudlelwane nakwiintshukumo zoshishino.
Iingingqi Ezisemaphandleni - Ezi ziingingqi ezingaphandle kwezixeko kwakunye needolophu ezinkulu, kuquka neengingqi zolimo. Kukho imigangatho esezantsi yeenkonzo kwanezixhobo zokuphila kwezi ngingqi futhi abantu abahlala kuzo kufuneka bahambe imigama emide ukuze bafikelele kwezona ndawo zokufumana iinkonzo zikufutshane.
Iinjongo - Le yinjongo esamele ukuphunyezwa. Yinto ekufuneka umbutho ngamnye uyenzile ukuze ufezekise umbono wawo.
IiNkampani zeCandelo 21 - Ezi ziinkampani ezingajonge ngeniso ezsibhaliswe ngokweCandelo 21 lomthetho iCompanies Act.
Iinkedama zikaGawulayo - Aba ngabantwana abangaphantsi kwe-15 okanye i-18 leminyaka ubudala ababazali babo basutywe kukufa ngenxa yokuhlaselwa yintsholongwane kaGawulayo/kaGawulayo. Umntwana lo usenokuba nayo okanye angabi nayo le ntsholongwane.
Iinkonzo Ezingundoqo - Ezi ziinkonzo ezibalulekileyo nezingundoqo urhulumente ekulindeleke ukuba abonelele ngazo. Umzekelo: amanzi, ezococeko nombane.
iinkonzo Zaseburhulumenteni - Eli ke liqumrhu labantu abasebenza kwicandelo loLawulo likaRhulumente ukuze libonelele ngeenkonzo kuluntu. Aba baqeshwa abonyulwanga.
Iinkqubo Zokukhetha Abathile Kwiinkonzo - Inkqubo elandelwayo xa amasebe karhulumente iimveliso okanye iinkonzo. Le nkqubo iquka ukunikezela ngeethenda nangeekontraka.
IiNkundla - Ezi ziiNkundla eziqinisekisa ukuba umthetho uyahlonitshwa ze zikhusele namalungelo aqinisekiswe nguMgaqo-siseko. Eli sebe likarhulumente lizimele yaye alikho phantsi kwamasebe owisomthetho nelolawulo.
IiNkundla Zabantwana - Ezi ziinkundla ezibekelwe bucala ukujongana namatyala apho umntu osemncinci atyholwa ngokwaphula umthetho.
IiNkundla zooMantyi - Ezi ziinkundla ezisezantsi apho inguMantyi othabatha izigqibo. Zijongana namatyala angekho nzima nangekho mabi kakhulu kwanemiba yasekuhlaleni eyenzeka kwiindawo ezikuzo ezo nkundla.
IiNkundla Zoqhawulo-mtshato - Ezi ziinkundla ezijongene kuphela namatyala okuqhawulwa komtshato.
Iisampulu Eziza Kuvavanyelwa Iimpawu Zesifo - Ezi ziisampulu zeencindi okanye igazi ezithunyelwa kumzi wophando lwenzululwazi yezempilo ukuze zifundwe ukufumanisa ukuba ezo sampulu zinasifo sithile na, yintoni na eso sifo, yintoni unobangela waso nokuba sesikhule kangakanani na kuloo mzimba.
IiTaxi Ezizimini-bus - Ezi zizithuthi ezinezihlalo ezilishumi elinesithandathu ezisetyenziswa njengezithuthi zikawonke-wonke.
IJuvenile - Lo ngumntu ongaphantsi kweminyaka elishumi elinesibhozo ubudala.
IKapa Elihlumayo - Esi sisicwangciso-qhinga sephondo leNtshona Koloni esijoliswe ekukhuliseni nasekuphuhliseni eli phondo.
IKaroo - Le yingingqi engagqibelelanga ukuba yintlango kwiNtshona nakuMntla Kapa.
IKhabhinethi - Le yintloko yesebe eliphezulu lolawulo lukarhulumente. Iquka uMongameli, uSekela-Mongameli kunye naBaphathiswa beKhabhinethi abangama-24.
IKholera - IKholera le sisifo esosulelayo esibangwa ngamanzi angcolileyo awenza ukuba umntu agabhe kabuhlungu, ukujijeka kwamathumbu nokurhuda okuba nzima nabuhlungu.
IKhowudi Yezezindlu - Le yimikhomba-ndlela yesizwe kuncedo-mali lokwakhiwa kwezindlu kuquka nolwazi oluthe vetshe ngendlela yokufaka izicelo zoncedo-mali lokwakhiwa kwezindlu.
IKomishoni Ezimeleyo Yolonyulo (i-IEC) - Eli liqumrhu elingumvuka woMgaqo-siseko elinoxanduva lokuququzelela ulonyulo kwanokuqinisekisa ukuba olo lonyulo lukhululekile futhi alunamkhethe.
IKomishoni Yamalungelo Oluntu yaseMzantsi Afrika - Eli liqumrhu elingumvuka woMgaqo-siseko ukuze liphakamise, likhusele futhi libe liliso kumalungelo oluntu eMzantsi Afrika.
IKomishoni yeeNkonzo zeeNkundla - Le Komishoni icebisa urhulumente kwimiba enento yokwenza neenkundla, umzekelo ukuqeshwa kweejaji.
IKomishoni Yemithetho yoMzantsi Afrika - Le yikomishoni ephanda ngamacandelo afuna ukwenzelwa imithetho emitsha okanye iinguqu ezinkulu ngokwemithetho. Ngokusetyenziswa kwenkqubo yokubandakanywa koluntu jikelele, le komishoni iza neziphakamiso ngemithetho emitsha enokuquka imithetho esayilwayo.
IKomishoni Yenyaniso Noxolelwaniso - I-TRC ngamafutshane. Le komishoni yamiselwa ukufumanisa izizathu, ubume nobungakanani bokunyhashwa kwamalungelo oluntu okwenzeka apha eMzantsi Afrika phakathi komhla wokuqala kwinyanga yoKwindla kunyaka ka-1960 nomhla wesithandathu kweyoMnga ka-1994, ukuze kuxolelwe abo benza iintshukumo zolwaphulo-mthetho ezayamene neenjongo zopolitiko, ukwenzela amaxhoba onyhasho lwamalungelo oluntu ukuba anikezele ngobungqina ze enze neengxelo ezidiza iziphumo neziphakamiso zale Komishoni.
IKomishoni Yokuphuculwa Nokukhuselwa Kwamalungelo Enkcubeko, Enkolo Nawezeelwimi - Eli qumrhu ladalwa nguMgaqo-siseko ukuphucula intlonipho kwiinkcubeko, iinkolo neelwimi ezahlukeneyo.
IKomishoni Yophando - Olu luphando olungumyalelo osuka kurhulumente ngomba othile, oluqhele ukukhokelwa yiJaji. Umzekelo, iKomishoni kaJali ngorhwaphilizo kwiintolongo.
IKomishoni Yoxolelwaniso, Ukungenelela Nokunqanda (iCCMA ngamafutshane) - Eli liqumrhu elizimeleyo elijongana nemiba eyahlukeneyo yezabasebenzi futhi linceda nasekusonjululweni kweembambano phakathi kwabaqashi nabaqashwa.
IKomiti - Le yimbumba yabantu abahlanganela ukushukuxa umba othile okanye ukwenza umsebenzi othile.Umzekelo, ikomiti yePalamente eyenziwa ngaloo malungu epalamente akhethiweyo iya kuchongelwa ukuqwalasela umthetho othile phambi kokuba uthiwe thaca epalamente.
IKomiti Emileyo - Le yikomiti esisigxina. Umzekelo, iKomiti Emileyo Nehlangeneyo ejongene Nomgangatho Wobomi Kwanobume Bemeko Yamakhosikazi yikomiti esisigxina yepalamente yesizwe.
IKomiti Yeethenda - Le yikomiti esesikweni ebekelwe ukuqinisekisa ukuba imigaqo-nkqubo neenkqubo zikarhulumente ziyalandelwa xa kuchongwa ithenda.
IKomiti Yexeshana Nje elincinci - Le yikomiti eyenzelwe injongo ethile eluqilima futhi ekho ixesha eliqingqiweyo.
IKona Yezoshishino Kwithala Leencwadi - Eli licandelo kwithala leencwadi likawonke-wonke elibonelela ngolwazi ngokuqala nokuqhuba ishishini.
ILaw Society - Eli liqumrhu elimisela imithetho nelilawula imisebenzi yamagqwetha.
ILegal Aid - Le yinkonzo yeengcebiso ngomthetho engahlawulelwayo kubantu abatyholwa ngokwaphula umthetho bengakwazi kumelana neendleko zamagqwetha.
ILegislation - Lo ngumthetho ophunyezwe yipalamente, okwabizwa njenge-Act ngesiNgesi.
Ilizwe Eliphuhlileyo - Eli lilizwe apho amashishini athabatha indawo ebalulekileyo kuqoqosho oluluqilima nolucwangciswe ngendlela eyiyo kwanezixhobo nezibonelelo eziphuhliswe ngobuxhaka-xhaka bobugcisa bala maxesha. Likwabizwa njengelizwe elikwiHlabathi Lokuqala.
Ilungelo Lobunini - Amalungelo ezinto ezidalwe ngumntu othile ngokusebenzisa ingqondo yakhe. Umnini weli angabanqanda abanye abantu ukuba baphinde bavelise umsebenzi oyimveliso yakhe ngaphandle kwemvume yakhe. Umzekelo, umbhali wencwadi unamalungelo kuyo yaye akukho namnye umntu onokuphinda avelise loo ncwadi ngaphandle kwemvume yakhe.
IMali-mboleko - Le yimali ekhutshwa ngurhulumente ukunceda umbutho kanye umntu othile ukuba athenge into ethile. Umzekelo, imali-mboleko yendlu yimali enokusetyenziselwa ukuthenga indlu.
IMammogram - Le yi-x-ray yamabele ukukhangela umhlaza wamabele.
Imbacu - Lo ngumntu oqhweshela kwelinye ilizwe ngenxa yokutshutshiswa ngokobuhlanga, ngokwenkolo nangokopolitiko. Iimbacu zivumelekile ngokomthetho ukuba zihlale kwilizwe ezibalekela kulo.
Imbali Yenkcubeko - Le yimbali yembumba yesizwe esithile, kuquka namasiko, izithethe nendlela yabo yokuphila.
IMbumba Ejongene Nokhuseleko Ekuhlaleni - Eli liqumrhu elibeka iliso neliququzelela amaphulo neentshukumo ezithile zokhuseleko kwingingqi ethile. Iqhele ukubandakanya izikhululo ezithile zamapolisa kwaneeMbumba Ezijongene Nolwaphulo-mthetho Ekuhlaleni kwiingingqi ezithile.
IMbumba Ejongene Nolwaphulo-mthetho Ekuhlaleni (iCPF ngamafuphi) - Le yimbumba yabemi abakhathazekileyo lizinga lolwaphulo-mthetho kwiindawo abahlala ze basebenze kuzo, futhi bakwasebenzisana namapolisa aloo ngingqi ekudaleni uzinzo nasekugcineni ingingqi abahlala kuyo iyekhuselekileyo.
Imbumba Yemibutho Yabasebenzi baseMzantsi Afrika (iCOSATU ngamafutshane) - Le yimbumba yemibutho yabasebenzi baseMzantsi Afrika exhasa iANC. Ukuze ufumane iinkcukacha ezithe vetshe, ndwendwela iwebsite yeCOSATU.
Imbuyekezo Yemali Yerhafu - Apha kuxa imali ethile ibuyiselwe kuwe emva kokuba uhlawule imali ubuyityala. Umzekelo, ukuba uhlawule irhafu engaphaya kwaleyo uyityalayo, uya kukwazi ukufumana imbuyekezo ngokuthi ubuyiselwe isixa esithile.
IMethodology - Le yindlela okanye isicwangciso osithabathayo ukuze ube nakho ukuzuza into ethile. Umzekelo, kuya kufuneka ukhethe indlela ethile yokwenza uphando lwakho phambi kokuba ube kanti uyangena nzulu kolo phando.
Imfundo Ekude - Le yimfundo ngaphandle kokudibana komfundi nomhlohli ubuso ngobuso. Ikwabizwa njengemfundo yembalelwano.
IMfundo Enomsila - Le yimfundo esesikweni elandela emva kwemfundo yesikolo esiphakamileyo. Le mfundo iquka imfundo yeedyunivesithi neeteknikoni.
IMfundo Ephakamileyo - Le yimfundo elandela emva kwemfundo yezikolo zemfundo ephakamileyo, kuquka noqeqesho lwasezidyunivesithi naseziteknikoni. Ikwabizwa njengemfundo ephakamileyo. Iquka lonke uqeqesho olukhokelela kwimfundo yeNQF engaphezu kwebanga lematriki.
IMfundo Esekelwe Kwiziphumo - Le yindlela yemfundo apho yonke into efundiswayo inenjongo yayo. Ubume bezifundo kwanazo zonke iimviwo zakhiwa ngokubhekiselele kwezi ziphumo zifunwayo nezilindelekileyo.
IMfundo Noqeqesho Olugqithayo - Lo ngumgangatho wemfundo oquka amabanga 10 ukuya ku-12 kwanezifundo zenqanaba elikwafanayo ezifumaneka kwiikholeji zobugcisa (ekungoku nje zibizwa njengeekholeji zemfundo noqeqesho olugqithayo).
IMfundo Noqeqesho Oluthe Gabalala - Eli linqanaba lemfundo elibadakanya amabanga u-R ukuya kwele-9. Zonke iziqinisekiso zezifundo zeNQF zomgangatho okwafana nalo ziwa phantsi kweli bakala.
Imfuyo Ephilayo - Le ke yimfuyo efuywa kwifama ngeenjongo zokufumana ingeniso. Umzekelo, iinkukhu, iinkomo neehagu.
Imibutho Engajonge Ngeniso - Le yimibutho ejongene nokuzuzisa uluntu ekuhlaleni engajonganga kwenza ngeniso.
Imibutho Esekelwe Kwinkolo - Le yimibutho engajonge ngeniso emalungu ayo akholelwa kwinto enye kwezakwaLizwi.
Imibuzo Ebuzwa Rhoqo - Le yimibuzo ebuzwa rhoqo. Iiwebsite kwakunye neepasile ezinolwazi zisoloko ziqulethe amacandelo aphendula le mibuzo.
IMicroeconomics - Ezi zizifundo zamacandelo amancinci omthengi okwinqanaba elisezantsi, ukuziphatha ekhayeni nakumashishini.
Imigaqo-nkqubo ezama ukubuyekeza abaxhatshazwayo - Lo ngumgaqo-nkqubo wokuthenga iimveliso neenkonzo ngendlela enceda netyisa izizwe nabantu abamalungelo ayesakusengelwa phantsi. Umzekelo, urhulumente unomgaqo-nkqubo wokukhetha abo babesakusengelwa phantsi ngokwamalungelo, iPreferential Procurement Policy ethathela ingqalelo isini nobuhlanga babantu abafaka izicelo zokubonelela urhulumente ngeenkonzo.
Imimiselo - Ezi ziimpepha ezineenkcukacha ezikhutshwe yipalamente nezichaza ukuba imithetho iza kuphunyezwa njani na. Umzekelo, umthetho iFrearms Control Act uthi kufuneka ufake isicelo sephepha-mvume lokuba nompu ukuze ube nakho ukuba ngumnini wompu. Imimiselo le idiza ngokuthe ngqo ukuba ungasenza njani na isicelo sephepha-mvume elo.
Imithetho Yoomaspala - Le yimithetho ewiswe ngurhulumente wedolophu.Umzekelo, imithetho kamaspala weSixeko saseKapa ngoqhushululu kwiindawo zikawonke-wonke.
Imo Yoshishino - Ezi ziimeko zoqoqosho, zopolitiko, zoluntu, zenkcubeko nezamaziko ezithi zibe nefuthe kwishishini.
IMpahla Yoluntu - Lo ngumhlaba, izakhiwo, izithuthi okanye nayiphi na impahla yoMbuso.
Impatho-mbi - Impatho-mbi ingathetha nayiphi na indlela ebangela intlungu, kuquka nokuphathwa gadalala ngokwasenyameni (okufana nokubethwa), ukuphathwa gadalala ngokwesondo (okufana nokudlwengulwa) okanye ukungakhathalelwa, apho umntu obefanele ukunonophela angakwenziyo oko, umzekelo: uxanduva lokukhathalelwa komntwana ngumzali (apho umzali mhlawumbi angamondliyo umntwana wakhe).
IMpilo Yasemsebenzini - Apha kuthethwa ngempilo nokhuseleko kwindawo yokusebenzela.
IMpilo Yomlomo - Oku kukugcina umlomo, iintsini namazinyo akho ekwimeko entle ukunqanda ukubola kwamazinyo kwanezifo zeentsini.
iMpuma Kapa - Eli lelinye lamaphondo alithoba oMzantsi Afrika, futhi likunxweme olukwimpuma.
Imveliso Eveliswe Kwilizwe Lelo Lizwe. - Lo ngumlinganiselo wayo yonke imveliso eveliswe kwelo lizwe ngonyaka, ingeniso kwanenkcitho kuqoqosho lwelo lizwe.
Imveliso Yengqondo - Le yimpahla enexabiso elikhulu, eyimveliso yengqondo nengenakubanjwa ngasandla. Iintlobo ezahlukeneyo zale mveliso yengqondo ziquka icopyright, iimveliso zobuchule, izinto eziyiliweyo kwakunye nee-trademarks. Umzekelo, imiyilo emitsha, imisebenzi yobuchule, iinkqubo eziphuhlileyo zoshishino okanye ukufakelwa kweempawu zamashishini.
IMveliso Yesizwe Yonyaka - Lo ngumlinganiselo wonyaka wayo yonke imveliso neenkonzo eziveliswe kweli lizwe kwanengeniso efunyenwe kutyalo-mali kumanye amazwe.
INational Assembly - Eli lisebe likarhulumente elijongene nokuwiswa kwemithetho. Inamalungu epalamente onyuliweyo angamakhulu amane nanoxanduva lokwenza nokutshintsha imithetho yeli lizwe.
INational Food Legislation Advisory Group (FLAG) - Eli liqumrhu elicebisa urhulumente ngokwenziwa kwemithetho enento yokwenza nokutya eMzantsi Afrika.
INational Prosecuting Authority - Eli liqumrhu elimiselwe ngurhulumente elinoxanduva lokulawula ze libe liliso kutshutshiso lweli lizwe.
INational Qualifications Framework - Esi sisakhelo sesizwe, kumgangatho wesibhozo wezidanga ezamkelwayo. Wonke ubani othi aphumelele izifundo ezamkelwa yiNQF ubhalisiwe ukuze isidanga sakhe samkelwe kwisizwe sonke.
INcwadana Yokundwendwela Elinye Ilizwe - Le yincwadana esesikweni ekhutshwa ngurhulumente eqinisekisa ukuba ungubani na wena kwanokuba uyinzalelwane yeliphi na ilizwe yaye ikuvumela ukuba utsibe imida yelizwe lakho undwendwele amanye amazwe.
Indaba - Le yindibano yokushukuxa imiba ebalulekileyo.
INdawo Yokhuseleko - Eli likhaya lexeshana apho abantwana banokuhlala khona xa bengenamntu unokubakhathalela futhi umbuso ungekathabathi sigqibo sokuba bangahlaliswa phi.
Indlela Yokushishina - Inkcazelo okanye umfanekiso obonisa ukuba umbutho usebenza njani, ukuba zisebenza njani iinkqubo zawo, nokuba amabakala ahlukeneyo alo mbutho asebenzisana njani na.
Indlela Yokwaba Impahla - Le yindlela esetyenziselwa ukwahlula impahla yesibini xa siqhawula umtshato waso. Yonke ingeniso nempahla efunyenwe ngexesha kusatshatiwe yahlulwa ngokulingana phakathi kwesi sibini xa siqhawulwa umtshato.
Indlela Yolawulo kuRhulumente - Le yinkqubo enzima yokuqhuba imicimbi karhulumente kusetyenziswa iindlela eziqingqiweyo nemigangatho emininzi yabasebenzi abenza imisebenzi nabanamandla awahlukeneyo okwenza izigqibo.
INdlela Yolawulo lukaMongameli - Le yindlela yolawulo lukarhulumente apho eyona ofisi yopolitiko inamandla iyekamongameli welizwe.
INdlu Yowiso-mthetho - Ekwabizwa njegepalamente, eli sebe likarhulumente liquka abameli abonyuliweyo (Amalungu ePalamente okanye iiMPs ngamafutshane kwisiNgesi).
Ingingqi Esedolophini - Le yingingqi egcwaliswe ngabemi abangaphaya kwenaniebelimele ukuyima enezinga eliphezulu leenkonzo nezixhobo ezenza ubomi bube lula, ezifana nezesixeko.
Ingingqi yeNqila yeKapa - Aba ke ngabaphathi abadibeneyo kwingingqi yeKapa eyenziwa ngoomaspala abasixhenxe. Kungoku nje aba maspala baziwa njengeSixeko saseKapa.
Ingqina - Lo ngumntu onikezela ubungqina enkundleni ngento ayibonileyo okanye ayaziyo.
INgqungquthela Engamalungelo Omntwana yeZizwe Ezimanyeneyo - I-UNCRC ngamafutshane kwisiNgesi, esi sivumelwano sezizwe ngezizwe sibeka elubala amalungelo angundoqo abantwana. Kude kube namhlanje nje, le ngqungquthela sele ityikitywe ngamazwe alikhulu elinamashumi alithoba nesibini (mabini kuphela amazwe angazange asityikitye esi sivumelwano).
INgxowa-mali Yeengozi Zendlela - Le yingxowa-mali ehlawula imbuyekezo kubantu abonzakele okanye ababulewe kwiingozi zezithuthi zendlela.
INgxowa-mali Yokhuseleko Kwintswela-ngqesho - Le yingxowa-mali karhulumente. Wonke umntu ophangelayo uhlawula enye imali njengegalelo kule ngxowa-mali. Ukuba umntu uthi aphelelwe ngumsebenzi, angathi afake ibango lembuyekezo ngenxa yokungaphangeli kwakhe kule ngxowa-mali.
Ingxowa-mali Yokusebenza Ngokukhuphisana - Le yinkxaso-mali yokwahlula iindleko enikezela ngoncedo-mali kubanini bemizi-mveliso nabamashishini abonelela ngeenkonzo ukuze kukhuthazwe ukhuphiswano kushishino lwaseMzantsi Afrika.
INgxowa-mali Yoncedo-mali Yezizwe Ngezizwe (i-IMF) - Eli liqumrhu leZizwe Ezimanyeneyo elinoxanduva lokuzinzisa amazinga onaniselwano amzwe ngamazwe. Libonelela ngemali-mboleko kumazwe angamalungu eZizwe Ezimanyeneyo.
INkampani - Uhlobo lweshishini olubhalisiweyo elisoloko linamagama athi Pty (ltd). Izabelo kwinkampani zezabanini baloo nkampani kuphela.
INkampani Ebonelela Ngeenkonzo ze-internet - Le yinkampani evunyelweyo ukuba yenze oku ebonelela ngeenkonzo zokuhlanganisa abantu okanye amashishini nge-internet.
Inkedama - Lo ngumntwana obazali bakhe bobabini bangasekhoyo.
INkomfa Engokupheliswa kocalu-calulo Kubantu Basetyhini - Esi sisivumelwano samazwe ngamazwe ngamalungelo abantu basetyhini.
INkonzo kaRhulumente Yonxibelelwano Nolwazi - Eli liqumrhu likarhulumente elinoxanduva lokujongana nonxibelelwano phakathi kwamasebe karhulumente kwanokubonelela urhulumente kunye noluntu ngolwazi. Ukuze ufumane iinkcukacha ezithe vetshe tyelela iwebsite yeGCIS.
INkonzo yobuPlisa yoMzantsi Afrika (iSAPS ngamafutshane) - Le yinkonzo yobupolisa yoMzantsi Afrika. Ukufumana iinkcukacha ezithe vetshe tyelela iwebsite yeSAPS.
INkqubo yePalamente - Olu luhlobo lolawulo lukarhulumente apho abameli abonyuliweyo, ngokusebenzisa ipalamente, bathi benze ezona zigqibo zibalulekileyo, ezifana nokuwiswa kwemithetho emitsha.
Inkqubo Yokubeka Abantu Ngaphambili - "Abantu Kuqala", le yimigaqo esibhozo karhulumente yokunikezelwa kweenkonzo, eyile: ukuthetha-thethana noluntu, imigangatho yeenkonzo, ukufikeleleka, imbeko, ulwazi, ukuvuleleka nokulawula ngendlela ebonakalayo, ukulungisa umonakalo odalwe yinkqubo yobandlululo kwanokubonakaliswa kwexabiso lemali.
Inkqubo Yokufaka Abantu Abamnyama Kwizithuba Zengqesho - Lo ke ngumgaqo-nkqubo wokulungisa ukungalingani okwadalwa yinkqubo yobandlululo yangaphambili. Umzekelo, ukuqesha abantu abasuka kwiindawo ebezikade zihlelelekile yaye zisengelwe phantsi ngokwamalungelo ngeenjongo zokuzama ukudala imbumba yabasebenzi emele nengqina amanani abemi beli.
INkqubo Yokupheliswa Kwentlupheko - Ezi zizicwangciso zikarhulumente zokunciphisa intlupheko. Ziquka iinkxaso-mali kwanamaphulo okuvelisa amathuba engqesho.
Inkqubo Yokuvuselela iAfrika - "Ukuzalwa ngokutsha kwe-Afrika": oku kubhekisa kwiintshukumo zokuphuhliswa kobutyebi be-Afrika ukuze kwakhiwe uqoqosho lwamazwe ase-Afrika futhi kuphuculwe nomgangatho wobomi bama-Afrika ngokubanzi.
INkqubo Yophuhliso yeZizwe Ezimanyeneyo - I-UNDP ngamafutshane kwisiNgesi, eli liqumrhu leZizwe Ezimanyeneyo elinoxanduva lokujongana namanyathelo ophuhliso kwizizwe ngezizwe.
INkukuma Yononophelo Lwempilo - Le yinkukuma engunobangela wezixhobo zononphelo lwempilo ekufuneka ilahliwe ngaphandle kokudala umonakalo kwiindawo zokuhlala zoluntu.
INkumanda Yesikhululo - Igosa eliyintloko ebupoliseni kwisikhululo esithile samapolisa.
INkundla Ephakamileyo - Ezi ziinkundla ezimamela amatyala amakhulu afana nokudlwengula nokubulala kwanamatyala abandakanya ngaphezu kwe-R100 000. INkundla Ephakamileyo ikwamamela izibheno zamatyala asuka kwiinkundla zoomantyi.
INkundla Ephakamileyo Yezibheno - Le nkundla yeyona inkulu kwimiba engawuchaphazeliyo uMgaqo-siseko. Le Le nkundla ichophela izibheno zamatyala asele efumene izigwebo kwiNkundla Ephakamileyo.
INkundla Yabantwana - Le yinkundla ekhethekileyo ethabatha izigqibo ngamatyala abandakanya abantwana.
INkundla Yamabango Amancinci - Le yinkundla eneenkqubo ezikhawulezileyo, ezingadli kakhulu empokothweni nezilula enokujongana namatyala abemi belizwe (oko ke kukuthi angengawo awolwaphulo-mthetho) abandakanya imali eziya kuma kumawaka asixhenxe eerandi.
INkundla Yemicimbi Yabasebenzi - Le yinkundla echophela iimbambano zemicimbi yabasebenzi.
INkundla Yenkxaso-mali Yesondlo - Le yinkundla yabucala ejongana nemiba yenkxaso-mali yesondlo, efana nokukhutshwa komyalelo wesondlo nokohlwaywa komntu ongamelaniyo nokuhlawula inkxaso-mali yesondlo.
INkundla yoMgaqo-siseko - Le yeyona nkundla iphezulu ngamagunya kweli lizwe. Inento yokwenza namatyala abandakanya imiba yomgaqo-siseko kuphela. La matyala aquka amatyala apho amalungelo oluntu atyeshelwa khona kwanamatyala abandakanya amagunya nemisebenzi karhulumente.
INkxaso-mali - Le yintlawulo ephuma nyanga zonke isuka kurhulumente inikwa umntu ohluphekileyo, njengenkxaso-mali engumhlala-phantsi. Kukho iintlobo ezahlukeneyo zeenkxaso-mali ezinikwa abantu abanezidingo ezahlukeneyo.
INkxaso-mali Yamagqala Emfazwe - Le yinkxaso-mali yabantu abadala okanye abakhubazekileyo baseMzantsi Afrika abathabatha inxaxheba kwiMfazwe Yesibini Yehlabathi okanye kwiMfazwe yaseKorea.
INkxaso-mali Yesondlo - Le yimali ehlawulwa ngumntu eyihlawulela ukuxhasa omnye ngesondlo nangeemfuno zobomi ngokubanzi. Umzekelo, utata othile uhlawula unina wabantwana bakhe ukuba unina lowo nguye ojongene nabantwana abo.
INkxaso-mali Yesondlo Sabantwana - Le nkxaso-mali ili-R160 ngenyanga ivuleleke kubantwana abangaphantsi kweminyaka elithoba ubudala. Le nkxaso-mali kungoku nje ikwinkqubo yokwandiselwa ukuba ifunyanwe nangabantwana abangaphantsi kweminyaka elishumi elinesine ubudala.
INkxaso-mali Yobudala - Olu luncedo-mali oluphuma kurhulumente lunikwa abantu abadala abahluphekayo. Luvuleleke kumadoda angaphezu kwamashumi amathandathu anesihlanu eminyaka ubudala kunye namakhosikazi angaphezu kwamashumi amathandathu eminyaka ubudala futhi abo bantu kufuneka kwenziwe kubo uvavanyo lwemeans test ukuze kujongwe ukuba basakungele na ukuyifumana le mali. .
Inkxaso-mali Yokukhubazeka - Le nkxaso-mali ivuleleke kubemi boMzantsi Afrika abaphakathi kwe-18 nama-60 eminyaka ubudala kwabasetyhini ze ibe phakathi kwe-18 nama-65 eminyaka ubudala kumadoda anokukhubazeka okungqinwa ziimpepha zikagqirha. Le nkxaso mali ifumaneka ngokuthi kwenziwe uhlolo lwe-means test.
INkxaso-mali Yomntu Oxhomekeke Kunonophelo - Le yinkxaso-mali ephuma ngenyanga eli-R150 ngenyanga nganye enikwa abantu abadinga unonophelo.
INkxaso-mali Yomntwana Oselugcinweni Lomnye Umzali Okwexeshana - Le nkxaso-mali ivuleleke nakubani na ogcine umntwana njengomzali wakhe okwexeshana. Yenzelwe ukunceda ekuhlawuleleni ukutya, impahla kwanemfundo yomntwana lowo
Inkxaso-mali Yomntwana Oxhomekeke Kunonophelo - Le nkxaso-mali yama-R570 ngenyanga ivuleleke kumzali wemvelo okanye umzali ogciniswe okwexeshana umntwana okhubazeke kakhulu ngokwasengqondweni okanye ngokwasenyameni.
Inqanaba Lomvuzo - Izithuba zemisebenzi yaseburhulumenteni ziyaphicothwa ze zinikwe nenqanaba lomvuzo (elikwabizwa ngokuba sisikhundla). Imivuzo kwinqanaba ngalinye ishukuxwa liBhunga Elimele Iimfuno Zabasebenzi Baseburhulumenteni. Izibhengezo zezithuba zemisebenzi ziya kudwelisa inqanaba lomvuzo weso sithuba sibhengezwayo
Intengiso Kumazwe Angaphandle - Ezi ziintengiso zoshishino namanye amazwe.
Intlangano ye-MINMEC - Ezi ziintlangano phakathi koMphathiswa wesizwe nabaphathiswa abalithoba bamaphondo abajongene kwanelo sebe linye. Umzekelo, xa bonke abaphathiswa bamaphondo kwezeMpilo behlangana noMphathiswa wesizwe wezeMpilo.
Intlawulo Yeenkonzo Zezithili - Le yintlawulo amashishini nabaqashi ekufuneka beyihlawule kumabhunga oorhulumente bamakhaya okanye ezithili abashishina kuzo.
Intsebenziswano Phakathi Kukarhulumente Noshishino Lwabucala - Apha kulapho inkampani yabucala ingena kwizivumelwano ezibophelelayo necandelo likarhulumente ukuze ibonelele ngaloo nkonzo karhulumente okanye iphumeze loo msebenzi wolawulo. Elo candelo likarhulumente lidlala indima ephambili kule ntsebenziswano.
Intsholongwane kaGawulayo - Le yintsholongwane engunobangela wokuvela kukabhubhane onguGawulayo.
INtsholongwane kaGawulayo/uGawulayo - INtsholongwane kaGawulayo ihlasela amajoni omzimba. Yenza ukuba abantu babe semngciphekweni wokuhlaselwa zezinye izifo ezifana nesifo sephepha okanye isifo semiphunga. Xa amajoni omzimba womntu onentsholongwane kaGawulayo ephelelwe ngamandla kangangokuba ade agule, kuthiwa loo mntu unoGawulayo.
iNtshona Kapa - Eli lelinye lamaphondo alithoba oMzantsi Afrika. Eli phondo liquka icala elikuMazantsi nelikwiNtshona yeli lizwe.
INtsika - Eli liqumrhu likarhulumente elinoxanduva lokunceda amashishini asakhulayo ngoqeqesho nangeenkonzo zenkxaso. Ukuze ufumanise okunye ngeenkonzo zeli qumrhu, tyelela iwebsite yeNtsika.
Inzalelwane - Le yinto okanye umntu okhulele okanye ongowemvelo kwinginqi ethile. Into mhlawumbi eveliswe, ehlala okanye ekhula ngokwendalo kuloo mmandla kuphela.
Inzululwazi Yolawulo Lomhlaba Nokuveliswa Kwezityalo - Le ke yinzululwazi yolawulo lomhlaba nokuveliswa kwezityalo.
IPalamente - Ikwabizwa iNational Assembly, eli lisebe lowiso-mthetho likarhulumente
IPap Smear - Olu luvavanyo lomhlaza kumnyango wesizalo nakwisibeleko.
IParasitology - Ezi zizifundo ngeencukuthu.
IPhepha Lengcaciso yoMgaqo-nkqubo - Eli liphepha lomgaqo-nkqubo elilungiselelwe ingcaciso lelinye lamasebe karhulumente.
IPhepha-mvume Lokufunda - Eli liphetshana elisesikweni elikhutshwa liSebe leMicimbi Yekhaya kumntu ofuna ukufunda apha eMzantsi Afrika. Akukho mthethweni ukufunda apha ungummi welinye ilizwe ngaphandle kweli phepha-mvume.
IPhepha-mvume Lokuphangela - Eli liphetshana elikhutshwa liSebe leMicimbi Yekhaya kubemi bamanye amazwe abanqwenela ukuza kuphangela apha eMzantsi Afrika. Akukho mthethweni ukuphangela kweli lizwe kwabemi bamanye amazwe ngaphandle kweli phepha-mvume.
IPhepha-mvume Lokushishina - Iphepha-mvume elidingekayo ukuze umntu aqhube ishishini elisemthethweni. Iintlobo ezahlukeneyo zamashishini zineemfuno ezahlukeneyo zamaphepha-mvume.
IPhepha-mvume Lokuthengisa Utywala - Eli liphepha-mvume elivumela ishishini ukuba lithengise utywala ngokusemthethweni.
IPhetshana Elinyanzelisa Ukuba Kuvelwe Enkundleni - Eli liphetshana elichazela umntu othile ukuba kufuneka evele enkundleni yamatyala ngosuku oluthile ukuze kuchotshelwe ityala atyholwa ngalo.
IPhetshana Elinyanzelisa Ukwenziwa Komsebenzi Othile - Eli liphetshana elisemthethweni elichazela umntu othile ukuba imali ethile kufuneka ibe sele ihlawulwe ngosuku oluthile okanye kungenjalo loo mba uya kuya kumanyelwa enkundleni.
IPhetshana Lokuvota - Eli liphetshana elisetyenziswa kulonyulo, lidwelisa kuluhlu bonke abo okanye loo maqela opolitiko angenela olo lonyulo. Umvoti ngamnye uvotela lowo okanye elo qela alithandayo kwelo phetshana, phetshana elo lithi emva koko lifakwe kwibhokisi ecikiweyo.
IPhulo Leentshukumo Zonyango - I-TAC ngamafutshane. Lo ngumbutho osebenzela ukuba urhulumente anikezela ngamachiza onyango kubo bonke abemi boMzantsi Afrika abahlaselwe yintsholongwane kaGawulayo.
IPilisi Yocwangciso-ntsapho Olungxamisekileyo - Ikwabizwa njengepilisi yasemva kobusuku bomcimbi, le pilisi yocwangciso-ntsapho ingasetyenziswa kwiiyure nje ezingama-72 emva kokwabelana ngesondo ngaphandle kwezikhuselo ukunqanda ukukhulelwa.
IPortal - L e yiwebsite ekwazi ukudlulisela abantu kwezinye iiwebsite ezininzi ezisondeleyo kuleyo ngomxholo.
IQela Lezopolitiko Eliphikisa Ngokusesikweni - Lo ngumbutho wezopolitiko onezona zihlalo zininzi emva kweqela elilawulayo epalamente. I-DA liqela eliphikisa ngokusesikweni kurhulumente wesizwe.
IQumrhu elingumvuka Womthetho - Eli liqumrhu loluntu elidalwe elingumvuka wemigaqo nemiqathango yomthetho othile.Umzekelo, iKomishoni Engokulingana Ngokobuni nayo ingumvuka woMgaqo-siseko.
IQumrhu Elizimeleyo Losasazo (i-IBA) - Eli liqumrhu elingumvuka womthetho nelinoxanduva lokuqinisekisa ukuba umxholo kamabonwa-kude nokanomathotholo ufumaneka kuzo zonke iilwimi kwaneenkcubeko zoMzantsi Afrika futhi unikezela ngolonwabo, imfundo kwanolwazi. Ukuze ufumane iinkcukacha ezithe vetshe, tyelela iwebsite ye-IBA.
Iqumrhu leBhodi Elawula Isikolo - Aba ngootitshala, abazali nabafundi abatyunjelwe ukwenza imigaqo-nkqubo yesikolo sabo ze balawule nemiba yeso sikolo efana nohlahlo lwabiwo-mali kwanendlela yokuziphatha.
IQumrhu Lentlalo-ntle - Iqumrhu lentlalo-ntle ngumbutho ongekho phantsi kukarhulumente onikwe uxanduva namagunya athile ekujonganeni nentlalo-ntle yoluntu.
IQumrhu Loluntu - Eli liziko elisebenza ngaphandle kukarhulumente wesizwe, owephondo nowedolophu futhi apho uMbuso uneenjongo ngokwezimali.
IRhafu - Le yimali ehlawulwa kurhulumente ukuba aqhubeke ngolawulo ze aphucule iindlela nezakhiwo zikawonke-wonke, ezifana nezibhedlele. Kukho iindlela ezininzi nezahlukeneyo zeerhafu kuquka neVAT, irhafu yengeniso kwakunye nerhafu yeengeniso zobutyebi noshishino.
IRhafu Yengeniso - Le yirhafu oyihlawula nakweyiphi na ingeniso onayo, efana nomvuzo.
IRhafu Yokuphuhliswa Kwezakhono - Esi sisixa esihlawulwa ngabo bonke abaqashi kwi-SARS. INgxowa-mali Yophuhliso Lwezakhono ijoliswe ekusetyenziselweni uqeqesho nophuhliso lwezakhono zabasebenzi.
Isantya Sokchuma - Eli linani labantwana umama ngamnye anokuba nalo ebomini bakhe. Ngonyaka ka-1998, isantya sokuchuma eMzantsi Afrika sasingabantwana aba-2.9 kumama ngamnye.
ISebe lezeMfundo leNtshona Koloni - Eli lisebe lephondo elinoxanduva lokujongana nemicimbi yemfundo eNtshona Koloni.
ISebe Lolawulo - Eli liSebe lolawulo lukarhulumente elinoxanduva lokuqinisekisa ukuthotyelwa nokusebenza kwemithetho nemigaqo-nkqubo. Umzekelo, uMphathiswa wezeMpilo lilungu leBhunga Lolawulo futhi yena kunye nesebe lakhe bayingxenye yesebe Lolawulo lukarhulumente.
ISector Education and Training Authority (iSETA ngamafutshane) - Eli liqumrhu likarhulumente elinoxanduva lokuququzelela iinkqubo zemfundo noqeqesho kwicandelo elithile. Icandelo ngalinye lineSETA yalo.
IShebeen - Eli ligama elisetyenziswa ezilokishini endaweni yetavern.
Ishishini Lentsebenziswano - Eli lishishini eliqhutywa ngamalungu alo futhi liqhutywa ngendlela yentando yesininzi nentsebenziswano. Umzekelo, eMzantsi Afrika, amanqanaba amathathu karhulumente (elesizwe, awamaphondo naweedolophu) asebenzisana ngendlela ekwaxhasanayo.
Isibambiso - Le yimali ehlawulwa ngumntu obekwe ityala ukuze avunyelwe ukuba abe ngaphandle kwamasango ezisele ngelixa esalinde ukuxoxwa kwelo tyala.
Isibheno - Oku kukucela umngeni kwiqumrhu eliphezulu ngesigqibo senkundla okanye salo naliphi na iqumrhu elinamagunya okuthabatha izigqibo.
Isicwangciso-qhinga - Esi sisicwangciso esisetyenziselwa ukuzuza iinjongo zomntu othile.
Isicwangciso-qhinga okanye isicwangciso soshishino - Olu luxwebhu lwesicwangciso esithi thaca iimbono, iinjongo, izicwangciso-maqhinga kwaneentshukumo ezisaphakanyiswayo zalo mbutho.
ISifo iDowns - Esi sisifo esibangelwa kukungami ngendlela komthambo olawula isimo somntu ze sona sibangele ukungaphili kakuhle kancinci okanye phakathi nje ngokwasengqondweni. Abantu abanesi sifo basoloko bebafutshane ze babe nobuso obumcambalala.
Isifo Semiphunga - Ukutshisa okoqhubekekayo emiphungeni okubangela ubunzima ekuphefumleni, kutshisa oko kubangelwa kukumelani neentlobo ezithile zokutya.
Isifo Sephepha - Esi sisifo esingumvuka wamagciwane nesosulela ngeyona ndlela ilula kodwa ke siyanyangeka. Sichaphazela imiphunga futhi singunobangela wokukhohlela okungapheliyo, ukukhohlela igazi, ukubila ebusuku, ukuhla komzimba kwanokuphelelwa ngumoya wokuphefumla.
Isifo Seswekile - Esi sisifo esihlasela zonke iintshukumo zamachiza ezenzeka emzimbeni womntu nezinokubangela ukuchama ngokugqithisileyo kwanokunxanwa okungaphele ndawo.
Isifo Somhlaza - Izinto ezikhula ngokungaqhelekanga ezibangelwa kukwahluleka okungalawulwayo kwemithambo.
Isifo Somlomo - Esi sisifo somlomo esibangela izilonda ezivulekileyo okanye umonakalo emlonyeni.
Isigulane Sangaphandle - Lo ngumntu onyangwa esibhedlele kodwa ongalaliswayo.
Isigulo Esingapheliyo - Esi sisifo esihlala ixesha elide futhi asinakunyangwa okanye sinqandwe ekuphindeni sibuye.
Isigunyaziso Senkundla - Le yincwadana esemthethweni enika amapolisa igunya lokubamba avalele umntu othile okanye agubhulule impahla yomntu othile. Usenokusifumana nesigunyaziso sokuthimba impahla yomntu othile.
Isigwebo - Esi sisigqibo esisemthethweni ekufikelelwe kuso yijaji okanye umantyi.
ISikhululo Sovoto - Le yindawo esesikweni kwingingqi yakho ebekelwe ukuba uye kuvota kuyo.
Isiqendu - Intetho okanye umba omnye kuMthetho Osayilwayo. Xa umthetho sele uwisiwe, ezi ziqendu zibizwa njengamacandelo.
Isiqinisekiso Esifungelweyo - Le ke yintetho efungelweyo etyikitywe phambi koMkomishinala Wezifungo. Sisenokusetyenziswa njengobungqina enkundleni.
Isiqinisekiso Sempumelelo - Iimpepha ezisesikweni ezichaza ukuba umntu othile uthabathe inxaxheba kuqeqesho futhi umelene nemigangatho edingwayo yokuziphumelela ezo zifundo.
Isiqinisekiso Sokufa - Ukukhutshwa kwesiqinisekiso ngugqirha xa umntu ethe wasutywa kukufa sichaza ukuba umntu ubulewe ziimeko zendalo okanye mhlawumbi ubulewe nje zezinye izinto.
Isiqinisekiso Sokuphumelela IBanga Leshumi - Esi siqinisekiso sasisakubizwa njengeSiqinisekiso sokuphumelela iMatriki, futhi sifunyanwa emva kokuba umfundi egqibe ngempumelelo iBanga Leshumi.
Isiqinisekiso Sokuzalwa - Isiqinisekiso esinikezelwa liSebe Lezangaphakathi xa usana olusanda kuzalwa lungeniswa kuluhlu lwabemi beli.
Isiqinisekiso Sokuzimasa - Iimpepha ezisesikweni ezichaza ukuba umntu othile uzizimasile izifundo okanye isiganeko esithile.
Isithili Sokuphuculwa Kwesixeko - Le yimibutho engajonge ngeniso esebenzisa imali eyifumana kwiintlawulo zezibonelelo ezinyuswe luluntu kwingingqi ethile ukuze kuphuculwe iinkonzo kuloo ngingqi.
Isithintelo - Esi sisithintelo senkundla esivalela umntu othile ukuba enze intshukumo ethile okanye anyanzelise umntu othile ukuba enze into ethile.
Isithintelo Soshicilelo - Esi sisithintelo ekukhutshweni koshicilelo okanye ulwazi oluthile ngexesha elithile. Umzekelo, intatheli ayinakubhala nto inento yokwenza neeendaba ezivaliweyo ukuba zishicilelwe de sibe kanti eso sithintelo sisusiwe.
Isivumelwano Esingaphambi Komtshato - Esi sisivumelwano esibophelelayo ekungenwa kuso phambi kokuba kutshatwe. Esi sivumelwano sithi thaca okuya kwenzeka kwimpahla neemali zesibini esiza kutshata xa eso sibini sinokuthi siwuqhawule umtshato waso.
Isivumelwano Sentengiso Ngamalungelo Emveliso Yengqondo - Esi sisivumelwano samazwe ngamazwe esathiwa thaca ngonyaka ka-1994 ukukhusela imveliso yengqondo phakathi kwamazwe lawo avumelanayo. Esi sivumelwano sikhusela ukuphinda kuveliswe imveliso yengqondo, ukunqanda oko kuveliswa, iimpawu zoshishino, iimfihlelo zeshishini, imiyilo yezamashishini, impahla yeengingqi, kwakunye nezakhiwo zoshishino ezihlanganyelweyo.
Isondlo - Esi sisondlo esifumaneka ekutyeni okudingwa ngumzimba wakho ukuze uhlale usempilweni.
ISouth African Bureau of Standards (iSABS ngamafutshane) - Eli liqumrhu loluntu elinoxanduva lokuba liliso kwimigangatho yeemveliso eMzantsi Afrika. Ukuze ufumane iinkcukacha ezithe vetshe ngeli qumrhu tyelela iwebsite yeSABS.
ISouth African Heritage Resources Agency (iSAHRA ngamafutshane) - Eli liqumrhu loluntu elinoxanduva lokukhusela nokuphakamisa izibonelelo ezibubutyebi boMzantsi Afrika. Ukuze ufumane iinkcukacha ezithe vetshe ngeli qumrhu tyelela iwebsite yeSAHRA.
ISouth African Qualifications Authority (iSAQA) - Eli liqumrhu likarhulumente elinoxanduva lokujongana neNational Qualifications Framework. Ukufumana iinkcukacha ezithe vetshe tyelela iwebsite yeSAQA.
ISouth African Revenue Services (iSARS) - Eli liqumrhu likarhulumente elinoxanduva lokuqokelela iirhafu kunye neentlawulo kokungeniswa kweemveliso kweli lizwe.
Ithenda - Oku kukuzinikela ekwenzeni umsebenzi othile okanye ukubonelela ngemveliso ethile okanye inkonzo ethile ngexabiso elithile.
ITirisano - Esi sisicwangciso-qhinga sezemfundo seli lizwe. ITirisano ithetha ukusebenzisana.
ITrademark - Ezi ziimpawu zenkangeleko abavelisi abazibeka kwiimveliso zabo. Ezi mpawu zinceda abathengi ukuba bakwazi ukwahlula iimveliso kwezinye. Akukho mntu okanye nkampani inokuphinda isebenzise uphawu olubhalisiweyo lwenkampani yakho.
ITransvaal - Eli lelinye lamaphondo aseMzantsi Afrika phambi ko-1994. Iquka iingingqi ekungoku nje ezenza amaphondo iGauteng, iMpumalanga neLimpopo.
ITshati Yendlela Eya Empilweni - Ezi ziinkcukacha zempilo yomntwana ukusuka esizalweni ukuya kuma kwiminyaka emihlanu ezelwe.
IValue Added Tax (iVAT ngamafutshane) - Le yirhafu efakwa ekuvelisweni nasekusasazweni kwemveliso neenkonzo. EMzantsi Afrika i14% lifakwa kwixabiso laloo mveliso okanye laloo nkonzo xa iveliswa okanye isasazwa.
IVirology - Ezi zizifundo ngeentsholongwane nezifo ezingumvuka weentsholongwane.
IVisa - Le yincwadana esemthethweni ekuvumela ukuba ungene kwimida yelinye ilizwe. Kukho iintlobo ezahlukeneyo zeevisa ezikuvumela ukuba uhlale kweli lizwe amaxesha ahlukeneyo. Umzekelo, ivisa yokufunda iya kukuvumela ukuba uhlale ixesha elide kunelo ulivunyelwa yivisa yokuchitha ikhefu.
IViticulture - Oku kukulinywa kwemithi yomdiliya.
Ivoti Eyonakeleyo - Eli liphetshana lokuvota eligcwaliswe kakubi ngempazamo okanye ngabom.
Iyantlukwano Neentlobo Zezidalwa Eziphilayo - Inani neentlobo zezidalwa eziphilayo emhlabeni kwaneendawo futhi neemeko eziphila phantsi kwazo. Ezona mpawu zokwahlukana kwendalo zintathu futhi zezi: ukwahlukana ngokumila, ukwahlukana ngokweentlobo zezidalwa kwanokwahlukana kweendawo ekuphilwa kuzo zezi zidalwa.
Izibonelelo - La ngamacandelo kumqulwana womthetho ongemixholo ethile. Umzekelo, sisibonelelo somthetho iBCEA ukuba abaqeshwa kufuneka bafumane isiqinisekiso sesixa somvuzo wabo kumqeshi wabo.
Izibonelelo Zentengiso - Ezi zizibonelelo eziphuma kurhulumente, ngokwesiqhelo ke ngokuthi umntu okanye ishishini elo lingafumani kuhlawula zirhafu, ukukhuthaza intengiso.
Izibonelelo Zoluntu (iHR) - Ulawulo lwezibonelelo zoluntu okanye uLawulo Lwabasebenzi lubandakanya ukulawulwa kwabaqeshwa. Luquka ukuqesha, ukuqeqesha kwanokuphuhliswa kwezakhono.
Izidalwa Ezisuka Kwezinye Iindawo - Ezi zizilwanyana nezityalo "ezingene ngetshova" ze zangathi zezezo ndawo zingaqhelanga kubakho kuzo. Zinganeempembelelo ezingancumisiyo kwezinye izityalo nezilwanyana nakwindalo engqongileyo.Umzekelo, iPort Jackson sisityalo esaziswa apha sisuka e-Australia. Itya amanzi amaninzi ze ezalapha izityalo zife ngenxa yokuba zingawafumani.
Izidalwa Zemvelo - Olu luhlobo lwezilwanyana okanye lwezityalo ezifumaneka ngokwendalo kwingingqi ethile.
Izidanga ze-NQF - Esi sisidanga esamkelwa kulo lonke eli lizwe nelimelana nemigangatho kwaneemfuno ezimiselwe yiSAQA.
Izifo Ezisoloko Zizungula Amachele - Ezi zizifo abantu abanentsholongwane kaGawulayo abathi bahlaselwe zizo ngokulula ngenxa yokuba amajoni emizimba yabo ehluthelwe amandla okulwa yile ntsholongwane. Ezi zifo zisoloko zizungula amathuba emizimbeni yabantu abanale ntsholongwane ziquka isifo sephepha kunye nesifo esihlasela imiphunga.
Izifundiswa Kwezempilo - Aba ngabantu abafunde baqeqeshelwa ukunonophela abagulayo, abafana nabongikazi, oogqirha, oogqirha bengqondo kwakunye nezinye izifundiswa neengcali zempilo.
Izifundo Ngenzululwazi Ngefuthe Lamachiza Kwinzululwazi - Ezi zizifundo ngamachiza kwaneentshukumo zamachiza ezenzeka kwizinto eziphilayo.
Izifundo Ngobuchule Bephulo - Olu luphando ngobuchule bokuba ngaba iphulo okanye ishishini elithile elisayilwayo, phantsi kweemeko ezithile esele zibonakala, lingaphumelela na.
Izifundo Ngoqoqosho Lwesizwe - Ezi zizifundo zomfanekiso opheleleyo woqoqosho lwesizwe.
Izifundo ze-Epidemiology - Olo luphando ngezifo ezichaphazela abantu abaninzi.
Izigulo Zasemsebenzini - Ezi zizigulo ezibangelwe ngamachiza okanye ziimeko umsebenzi othile ebephantsi kwazo ngexesha esebenza kwindawo leyo yokusebenzela.
IZiko Lokufundla Abantu Abadala - Esi sisixhobo sokufunda apho izifundo zeMfundo Engundoqo Yabantu Abadala (i-ABET) zenzelwa khona.
IZiko Lolawulo Nophuhliso Lwezemfundo - Ezi zizixhobo zolulawulo lwesithili ezibonelela ngenkxaso noncedo kwizikolo kwanamanye amaziko emfundo aphantsi kweliso kwazo.
Izinga Lentswela-ngqesho - Eli linani ngokweepesenti labantu abanakho ukuphangela futhi abafunayo ukuphangela kodwa bengafumani mathuba emisebenzi. Ngonyaka ka-2001, ubalo lwabantu abangaphangeliyo apha eMzantsi Afrika lwalusithi ama-41.6 eepesenti zabantu abaphangeli.
Izinga Lokufa - Eli linani labantu abathi basutywe kukufa ngonyaka, eliqhele ukuvezwa ngokwewaka labemi belizwe bebonke.
Izinga Lokukhula Kwabemi Belizwe - Inani lokukhula kwabemi beli lizwe ngokweepesenti ngonyaka.
Izinga Lokusweleka Kweentsana - Eli linani leentsana ezingaphantsi konyaka ubudala ezithe zasutywa kukufa kunyaka othile. Umzekelo, isinye kwiwaka sithetha ukuba usana ngalunye kweziliwaka ebeziphila lusutywe kukufa.Ngonyaka ka-1998 izinga lokusweleka kweentsana eMzantsi Afrika lalingama-45 kwiwaka, oko ke kuthethe ukuba abantwana abangama-45 kwiwaka ngalinye basutywa kukufa ngonyaka ngaphambi kokugquba unyaka bezelwe.
Izinto Zakudala Ezinqabileyo - Ezi zizinto eziveliswe nezenziwe ngababntu ukuba zinike umdla weenkcukacha zembali.
Iziqinisekiso zeCesina Emthubi - Eli liphepha elisesikweni olinikwa emva kokuba ufumene ukugonyelwa icesina emthubi. Eli phepha lichaza ukuba ubukhe wafumana ukugonyelwa le cesina futhi wafumana namachiza okuyinqanda ukuba ingakuhlaseli kwezi nyanga zintandathu zidlulileyo.
Izivumelwano Zentengiselwano - Ezi zizivumelwano phakathi kwamazwe akhuthaza enze imimiselo ngentengiso yemveliso kwaneenkonzo phakathi kwazo.
Izixhobo Zokuncedisa - Ezi zizinto ezisetyenziswa ngabantu ezibanceda bakwazi ukumelana nokukhubazeka ngokwasenyamen umzekelo: izitulo ezihambayo zeziqhwala okanye izixhobo zokuva kwabo bangevayo.
Izixhobo Zokunkcenkceshela - Ezi zizixhobo zemibhobho, imijelo, imifula, nezifefo eziziza amanzi kwiindawo ezithile zomhlaba. Ezi zixhobo zisetyenziswa ikakhulu kwezolimo ukwenzela kube lula ukunkcenckceshela izivuno.
|
|
I-Cape Gateway yinkonzo karhulumente ejoliswe kubemi beNtshona Koloni, ebonelela ngolwazi ngorhulumente wedolophu, owephondo nowesizwe |  |