Wes-Kaap kry R26 miljoen vir behuising en dokters

Die Wes-Kaapse Regering het ’n bykomende R26 miljoen ontvang van die nasionale tesourie om op menslike nedersettings en gesondheidsorg te spandeer.

Minister van Finansies, Ivan Meyer, het die Wes-Kaapse Bykomende aansuiweringsbegrotingswetsontwerp vir die 2014/2015 boekjaar tydens die sitting van die provinsiale regering op 26 Februarie ter tafel gelê.

Meyer het gesê dat die bykomende fondse wat aan die provinsie geallokeer is, ’n uitdrukking van vertroue is in die vermoë van die Wes-Kaapse Regering om nie net te bestee nie, maar dit op ’n doeltreffende, ekonomiese en effektiewe wyse te doen.

Hy het gesê dat die R26 miljoen wat aan die provinsie geallokeer is, deel is van ’n proses op nasionale regeringsvlak om onaangewende fondse wat aanvanklik aan ander provinsies geallokeer is, te herallokeer.

Die Department van Gesondheid gaan met ’n bykomende allokasie van R6.956 miljoen, help met die implementering van ’n algemene praktisyn-kontrakteursprojek wat ’n toetsprogram is in Plettenbergbaai (Eden-distrik).

Die Departement van Menslike Nedersettings sal R20 miljoen toegeken word.

Media-navrae:
Daniel Johnson
Mediaskakelbeampte/Woordvoerder vir Dr Ivan Meyer Minister van Finansies
Selfoon: 079 990 4231
E-pos: daniel.johnson@westerncape.gov.za